بسم الله الرحمن الرحيم
صباح الخير علي جميع الاعضاء انا كتبت الموضوع ده الصبح ليه ؟؟ علشان لسا صاحي ومزاجي حلو ومحدش رخم عليا ومسمعتش كلمت قوم ذاكر

اولا لكل وحده بحث وده موجوده في كل صوره اعلي اليمين مكتوب ابحاث ( )
ثانيا مستوي الثكنه اللازم لبناء هذه الوحده بيكون مكتوب اعلي يمين الصوره ايضا ثكنه ( )
نبتدي بالمقلاع
طبعا المقلاع هجوم ودفاع قليل يعتبر ملوش لازمه لكن اهميته في ان التحمل بتاعه 7 (عالي)
ده غير ان بيكون لكل واحد حبايبه البخلاء في الجزيره ومعندهومش جيش وعندهم موارد يقوم باعت شويه مقاليع علشان هما من اسرع الوحدات


2 المبارز
ده احسن حاجه فيه ان تامينه قليل ومن صفاته الوحشيه
وهجومه ودفاعه كويسين الي حد ما وهوا يعتبر من الوحدات الهجوميه


3 المحارب المدرع (الكتيبه)
ده من احسن القوات الدفاعيه ؟؟
لأن دفاعه 30 ولما انت بتطورو في مكان عمل المخترعين بيوصل ل45
وتأمينه 8 دهبات ومن ميزته الصلابه

4 رامي السهام
ده من الوحدات الهجوميه وقوه هجومه 26 ودفاعه 23
وبعد التطوير في مكان عمل المخترعين بيكون هجومه46 ودفاعه 26

بدأنا في القوات المحترمه

5 قناصة بندقية البارود (رماه)
وده قوته الهجوميه حلوه ومن صفاته الوحشيه (بيرتكب جرائم حرب) وده المطلوب
ده قوه هجومه 42 ودفاعه 21 وبعد التطوير في مكان عمل المخترعين بيكون هجوم 66 ودفاعه 27

قناصه بندقيه البارود (الرماه) + رامي الاسهم الوحدات دي اللي بتضرب الطائرات و القاصف


6 الطائره المروحيه
دي بقي مزيج من القوه الهجوميه والدفاعيه
واشخاص قليلن اللي بيستخدموها لانها مش مميزه
لكن دي في النسخه الجديده هتكون من اهم القوات الدفايعه هيا والقاصف

7 العملاق
احسن قوه هجوميه بعد القاصف والهاون(كاسر الجدران)
قوه هجومه 67 ودفاعه 50
وبعد تطويره بيكون هجومه 97 دفاعه 80 مما يجعله من الودات الدفاعيه المميزه ايضا

8 القاصف [img][/img]
وده اهم القوات الهجوميه لان قوه هجومه بتكون 184 وبعد تطيره في مكان عمل المخترعين بيكون 268
وده في النسخه الجديده اللي لسا هتنزل هيكون اهم قوه دفاعيه لان في النسخه الجديده لازم تهد الصور وبعد كده تدخل للمدينه


ننتقل بعد كده لوحدات ****ر السور
واولها المدق
وده اهميه مش كبيره لكن دفاعه 50 وبعد تطويره بيكون 80


المنجنيق
وده كاسر جدران قوته وسط بين الهجوم والدفاع


الهاون وده اهم وحده كاسر جدران
لان هجومه 142 وبعد تطويره بيكون 196 ودفاعه 92 وبعد تطيره 128 وتأمينه 60 (مرتفع)


نيجي بعد كده
للطبيب
وده ميزته انه بيعالج الجنود وان تحمله 10 (تحمل عالي)

الطباخ
وده صفته انو بينعش الجيش وتحمله 9 (عالي)

وانا كنت مرتب الوحدات حسب ترتيب الايكديا
وكل الكلام اللي فات ده ملوش اي لازمه لان انت بمجرد انك تشوف الصور اللي بجوار كل وحده هتعرف عنها كل حاجه



دلوقتي بقي نتكلم في الكلام الجد

في الاول لما تكون انت في حاله دفاع في شويه مباني بتساعدك

1 المخبأ :- كل ما بيكون المخبأ بتاعك عالي كل ما بيكون عدوك او اللي جاي ينهبك ميعرفش يتجسس عليك

2 المخزن :- كل ما بتعلي المخزن كل ما المواد المعرضه للنهب بتقل

3 المرفأ :- وده كل ما يكون عالي تقدر تحمل بيه الموارد بسرعه وتقوم محمل الجيش كمان وتشحنهم علي مدينه تانيه من مدنك او مدن اي حد من اصحابك ويجي تاني يوم تلاقي منتدي اللعبه كله بيقول علي ان انت جباان وبتهرب قواتك

4 السور وده اهم واحد لان انت كل ما بتطور السور مستوي بيزود قوه دفاع جيشك 10% يعني سور مستوي 14 يقوي دفاع جيشك 140%

نيجي بقي للقوات دلوقتي الكل بيستخدم في قوات الهجوم الجندي المدرع (الكتيبه) لان دفاعه عالي الي حد ما وتامينه 8 قليل
والعملاق ايضا قوه هجومه عاليه وفي حل تاني ان انت تكلم اللي بيهجم عليك تشوفه هوا بيهجم عليك ليه وفي حلات كتير اوي بيت****ف علي دمه ويرجع هجومه
او لو هوا مش معاك علي نفس الجزيره اللي بينهبها وباعت هجوم بري فقط وانت عندك سفن حربيه ابقي مطمن لان جيشه هيرجع ايد ورا وايد قدام علشان مش هيعرف يدخل المدينه او الحل الاحسن ان انت تحول الموارد والجيش علي مدينه تانيه وزي ما قولت هتلاقي المنتدي تاني يقوم مقلوب عليك انت جبان وهارب زي مابنشوف

في حالات الهجوم بقي

انت بتهجم علي الناس لسبب من 2

1 لت****ير جيوش وده بيكون في حالات الحرب

2 لنهب الموارد وده بيكون في حاله الحساب الخامل او البخل او ان الشخص اللي انت هتنهبه عنده موارد وجيشه صغير

وفي جميع الحالات انت بتشوف جيشه قد ايه عن طريق ان انت تبعتله الجسوس الجميل
والمفروض ان انت تهجم عليه من مسافه صغيره يعني ميكونش المدينه اللي انت هتنهبها معاك علي جزيره العنب مثلا وانت قواتك في الرخام تقوم باعت هجوم من الرخام لأ ابعت الهجوم من اقرب مكان ممكن يعني تقوم ناقل القوات من الرخام للعنب وتقوم باعت الهجوم من هناك علشان لو هوا فاتح الاكونت اكيد هيعمل زي مانت هتعمل هيقوم مهرب جيشه وموارده او يحاول يكلمك او يقوم مرخم عليك ويبعت قوات كمان في المدينه اللي انت بتنهبها وكده انت خسرت ولو كان قافل الاكونت ممكن يفتحه ويعمل الكلام ده كله
فالاحسن ان انت تهجم من مسافات قصير ولو كان هوا بعيد عنك ممكن تقوم محتل مدينه علي نفس الجزيره معاه ومنها تبعت الهجوم مع مراعاة ان المدينه المحتله اللي بتبعت منها هجوم بتاخد 10% من الموارد (ضرائب) او ممكن تقوم ممركز جيشك عند واحد من التحالف او تكون عامل مع مدينته معاهده عسكريه وتقوم ناهب وانت مزاجك حلو


ومينفعش تكبر الجيش علي حساب تأمينك يعني يبقي جيشك عالي وتأمينك بالسالب لأ لازم تمسك العصا من النص يعني ميبقاش تامين بيدخل 20000 دهب في الساعه وجيشك قليل واي حد ينهبهك وميكنش بيدخلك -8000 في الساعه وجيشك عالي خلي جيشلك كويس ودخلك موجب وده بقي تعمله عن طريق ان انت ترفع البلديات لتعطيك اماكي لمواطنين وكل مواطن بيعطيك دهب لما بيكون مش شغال
او انك تخلص مجموعه ابحاث اللي بتقلل التأمين مثل


ا - إبحار : صيانة سفينة : 2% تأمين أقل للسفن
ب - إبحار : رزين : 4% أقل تأمين للسفن
ج - إبحار : خرائط بحرية : 8% تأمين أقل للسفن
د - إبحار : مستقبل الإبحار : 2% تأمين أقل للسفن
هـ- جيش : خرائط : 2% تأمين أقل للجنود
و - جيش : مجموعة مخطوطات الشرف : 4% تكاليف صيانة أقل
ز - جيش : إستيراد وتصدير : 8% تأمين أقل للجنود
ح - جيش : مستقبل الجيش : 2% تأمين أقل للوحدات

يارب الموضوع يعجبكم

شكرا ليك يا mindfreak22 على المشاركة ولو اني متوقع انك ممكن تطلع احسن من كده كمان ودي اول مشاركة في المنتدى عقبال باقي الناس.

GhOsThAwK كتب:

شكرا ليك يا mindfreak22 على المشاركة ولو اني متوقع انك ممكن تطلع احسن من كده كمان ودي اول مشاركة في المنتدى عقبال باقي الناس.

لسا منتهاش ده هيكون والع بليل ادخل وشوف الموضوع الساعه 10 بليل

mindfreak22 كتب:

GhOsThAwK كتب:

شكرا ليك يا mindfreak22 على المشاركة ولو اني متوقع انك ممكن تطلع احسن من كده كمان ودي اول مشاركة في المنتدى عقبال باقي الناس.

لسا منتهاش ده هيكون والع بليل ادخل وشوف الموضوع الساعه 10 بليل

الموضوع خلص دلوقتي وقبل الساعه 10 شوف بقي وقولي رأيك

الموضوع جميل يا مايند وعقبال ما تكمل وتعمل كمان مواضيع كمان افضل من كده بكتير

عاوزين مواضيع مشيقة ومستنيين منك اكتر

وعقبال ما باقي الناس تشارك كمان

لا لا لا لا
الشغل ده عاالي اوي اوي اوي
تسلم ايدك بجد يا mindfreak22
الموضوع تمام وشكراا علي الافاده مستنين منك كل جديد