ƑÏÐÔ
فارس
عدد المساهمات : 16
 |  موضوع: ماذا تفعل لو كنت مكاني ؟؟؟ ( قصه واقعيه) ارجو من الجميع الرد بصراحه  الثلاثاء نوفمبر 17, 2009 6:53 am | |
| تعمل ايه بجد في حوار زي ده
نبدأ من الاول
من سنتين فاتوا
كانت حياتي الا حد ما جميله طبيعيه زي اي شاب عادي في سني
كنا داخلين علي امتحنات الترم التاني في الكليه
كنت معجب ب واحده من فتره كبيييييره اوي وكنت بحاول اكلمها باي طريقه وكانت معظم المحاولات فاشله لاني ماكنتش باشوفها
المهم قدرت ان انا اكلمها في الاخر علي النت
طبيعي عندي اصحااب وكان ليا واحد مقرب ليا جدااا اصحاب من زماان اوي واصحاب لدرجه جامده جدااا
لدرجه اننا ايام الامتحنات لازم نبقي في بيت واحد عندي او عنده مده الامتحنات كلها مفيش خرووج خاالص
كانت حياتنا كلها سوا مع بعض دايماا في الحلو والوحش
المهم انا قلتله ان انا كلمت البنت اللي كان نفسي اكلمها لاقيته فرح جداااا
بعدها ب مفيش كام يوم جه وقالي انا اتعرفت علي واحده معانا في الكليه اسمها (شاهي) المهم
انا ماعلقتش
لان هو بيكلم بنات كتيير
بعد كده لاقيته بدأ يتكلم عنها كتييييييييييير جدااا
واكتشفت ان هو معجب بيها بجد
وناوي يخطبها
انا طبعاا وافقته وكنت مشجعه علي كده
المهم البنت اللي انا كنت بكلمها دي كانت تربطني بيها قرابه لكن من بعييييييد شويتين
وكان ليا واحده قريبتي كنت بعتبرها زي اختي بالظبط عشان متربيين سوا
كانت بتكلم البنت دي وكانوا اصحااب جداااااااا
فعشاان كده كان سري معاها كانت عارفه الموضوع
مرت الايام وبعدها بحاولي شهرين
لاقيت صحبي في مره بيقلي انا هاديلك الايميل بتااع شاهي تكلمها لو سألتك عليا وانا مش موجود او احتاجت حاجه او كده
في الاول انا ماكنتش موافق بس بعد كده وافقت
بدأت شاهي تكلمني وتتصاحب عليا
وبعد كده لما كانت تحصل مشاكل بينها وبين صاحبي تيجي تقلي وانا ابدأ احل المشاكل دي
وكنت دايماا بحاول اقربهم من بعض واصلح من صوره صحبي قدامها عشاان ماتسيبوش مش عارف ليه
اول لما بدأت امل من الحورات دي قلت اعرفها علي البنت بتاعتي بالفعل عرفتها عليها وخليتهم بقوا اصحاب
بعدها بفتره قصيره جداااااا
لاقيت قريبتي بتقلي انا اتعرفت علي شاهي النهارده
قلتلها ازاي قالتلي من البنت بتاعتك قلتلها طيب وماعقبتش علي الكلام
وجيت كلمت البنت بتاعتي وقلتلها انتي ازاي تعملي كده وماتقولوليش
المهم قعدت مع نفسي وقلت هما بناات مع بعض مش مشكله
بدأت كل لما اشوف قريبتي تكلمني عن شاهي ومشاكلها وحوراتها وتسألني ازاي صاحبي بيعاملها كده قلتلها ماتلكمنيش في الموضوع ده كتيير وماتشغليش بالك ومالكيش دعوه
تقلي طيب
وتقلي اصل احنا بقينا اصحااب اوي وانا اقرب واحده ليها وكلام فاضي من ده
المهم
مرت الايام والشهور
وجيت في يوم قريبتي كانت عندنا في البيت
قعدت تقلي شاهي وشاهي وكلام فاضي من ده
وفجأه لاقيتها بتقلي انا كنت هاكلم صاحبك عشاان اقله ازاي تعمل كده
انا طبعاا اتصدمت قلتلها تعملي ايه
انتي عارفه لو عملتي كده انا هاعمل ايه قالتلي ماهو انا ماكلمتوش
قلتلها لو حصل وكلمتيه قبل كده قوليلي وانا مش هاعمل حاجه بس ابقي عارف وانتي اللي قولتيلي
قالتلي لا والله ماحصلش
قلتلها طيب
قعدت افكر بعد لما مشيت
قلت بيني وبين نفسي يا عم انت اهبل لو كلمته اكييييييييييييييييد صاحبي هايقلي ده انا وهو اكتر اتنين اصحاب يعني لازم هايقلي حاجه زي كده
ونفضت للموضوع
جيت بعدها بكام يوم كنت معزوم هناك عند قريبتي علي الغدا
اكلت وخلصت وقعدت اتكلم معاها لاقيتها برضه بتقلي شاهي وشاهي وشاهي وفجأه لاقيتها بتقلي ده شاهي كانت عاوزاني اكلم مروان عشان اقله مش عارف ايه
قالتلي بس انا رديت عليها وقلتلها لا ده سمير لو عرف هايعمل وهايعمل
رحت ساكت واللي جالي جالي في دماغي
قلت بيني وبين نفسي هي فتحت الحوار تاني قدامي وبتنفيه يعني اكييد في حاجه غلط ماعلقتش علي الكلام ومشيت
قلت اكلم البت بتاعتي اسألها
قتلها هو صاحبي بيكلم قريبتي
قالتلي ماعرفش
قتلها في حاجه اسمها اه وفي لا
قالتلي ماعرفش ومتسألنيش
قلتلها انا كده عرفت
بعت رساله لصاحبي وقلتله
مش عيب لما تكلم قريبتي وماتقليش منتاش عارف لما انا اعرف من حد غيرك انا هاعمل ايه
المهم
كلمته وقعدنا نتكلم كتيييييييييييير كان محور كلامه علي انه كملها خمس او ست مرات بسبب حورات (شاهي) المهم انا ماصدقتش بس برضه مش عارف اكذبه لان مفيش في ايدي اي دليل علي اي حاجه
عديت الموضوع عاااادي خاااالص
وبدأت اعمل افخاخ و حورات علي اساس اعرف فييين الحقيقه
بعدها بيومين من شكي للموضوع
اكتشف الحقيقه الحقيقه اللي كل لما بفتكرها للاسف مش بقدر احوش دموعي
الحقيقه ان انا كنت عاااايش طوول السنتين دوول مع صاحبي مخدوووووع
الحقيقه ان (شاهي) هي قريبتي
الاتنين شخصيه واحده
انا عاوزكوا تعيشوا اللحظه
لما تكلم في شخص سنتين
ويطلع في الاخر مش موجود
ومين اللي يعمل فيييك كده اقرب اتنين ليييك
واحده بتعتبرها اختك
واكتر من اختك
واكتر واحد صاحبك في الدنيا
والنصيبه ان الواحده اللي انت بتحبها وبتمووووووت فيها وهاتستأمنها علي بيتك
تكوون عارفه الموضوع وساكته
وانت بطيبه قلبك تعرفها عليها وهي عارفه هي مييين وماتقلكش
وتفضل عاطي الامان لصاحبك ولحبيبتك ولاختك
وكلوا يبيعك في الاخر
تخييل يعني ايه
ان انت وصاحبك اللي كنتوا بتناموا علي سرير واحد
يعمل فيييك كده
تخيل انك كنت بتقرب بينهم
تخيل انك مش بتبعدهم عن بعض
تخيل انك كنت شاري بدله الخطوبه لصاحبك
تخيل انك عامله شقه في العماره بتاعتكم عشان يبقي معاااك
ويعمل فييك كده
تخيل
قلي هاتحلها ازاااي
تخيل انك ماشكتش سنتييييييييين
ولما شكييت يومين وعرفت كل حاجه
حد يقلي
لو مكاني هايعمل ايه
معلش انا طولت عليكم اوىىىىىى
وده غصب عني بس انا كان لازم افضفض
| |
|
mindfreak22
فارس
عدد المساهمات : 53
| | موضوع: رد: ماذا تفعل لو كنت مكاني ؟؟؟ ( قصه واقعيه) ارجو من الجميع الرد بصراحه الثلاثاء نوفمبر 17, 2009 3:57 pm | |
| | |
|
الامبراطور
فارس
عدد المساهمات : 21
| | موضوع: رد: ماذا تفعل لو كنت مكاني ؟؟؟ ( قصه واقعيه) ارجو من الجميع الرد بصراحه الخميس نوفمبر 19, 2009 10:02 am | |
| بص بقى يا سمير
اول حاجة على حسب كلامك صحبك غلطان كان لزم يكلمك ويقول على كل حاجة دة اصلا لو كان صحبك
وبردك قربتك غلطانة كانت لزم تقولك بردك لان انتة بتقول ان سركم كان مع بعض على طول يبقى كان لزم تقولك
| |
|
